گزشتہ روز نجی نیوز چینل 24 کی جانب سے رہنما پاکستان تحریک انصاف حماد اظہرکی پیپلز پارٹی میں شمولیت کی خبر دی گئی جس پرخود حماد اظہر کا دلچسپ ردعمل سامنے آیا ہے۔

حماد اظہر نے ’عمران خان کو بڑا جھٹکا۔۔ تحریک انصاف کے رہنما حماد اظہر پیپلزپارٹی میں شامل ہوگئے‘ کے کیپشن سے مذکورہ چینل کے ٹوئٹر ہینڈل پرشیئرکی جانے والی اس خبرکا اسکرین شاٹ شیئرکرتے ہوئے صورتحال واضح کی۔

پی ٹی آئی رہنما نے بتایا کہ انہوں نے اس خبرکے حوالے سے استفسارکیا تو علم ہو ا کہ پی پی میں شمولیت کسی انجینئرحماداظہر نے اختیار کی ہے۔

انہوں نے لکھا، ’ خبر کی ہیڈلائن میں اس لیے نہیں واضح کیا کیونکہ کلکس زیادہ ملتے ہیں ایسے’۔

واضح رہے کہ اس ٹویٹ میں تصویربھی حماد اظہر کے بجائے عمران خان کی استعمال کی گئی تھی۔