اسلام آباد کی مقامی عدالت نے سابق صدر آصف علی زرداری پر قتل کی سازش کا الزام لگانے کے کیس میں عوامی مسلم لیگ کے سربراہ شیخ رشید پر فرد جرم کی کارروائی ایک بار پھر مؤخر کردی۔

ڈسٹرکٹ اینڈ سیشن کورٹس اسلام آباد میں آصف زرداری پر قتل کی سازش کا الزام لگانے پر شیخ رشید کے خلاف کیس کی سماعت ہوئی۔

مزید پڑھیں: زرداری پر قتل کی سازش کا الزام: شیخ رشید کیخلاف فرد جرم کی کارروائی پھر مؤخر

شیخ رشید کے وکیل سردار عبدالرازق جوڈیشل میجسٹریٹ یاسرچوہدری کی عدالت پیش ہوئے۔

وکیل ملزم سردار عبدالرازق نے کہا کہ اسلام آباد ہائکورٹ میں مقدمہ ختم کرنے کی درخواست دائر ہے، اسلام آباد ہائیکورٹ سے فیصلہ آنا باقی ہے لہذا سماعت ملتوی کی جائے۔

مزید پڑھیں: شیخ رشید کی درخواست ضمانت مسترد کردی گئی

بعدازاں جوڈیشل میجسٹریٹ نے شیخ رشید پر فرد جرم کی کارروائی ایک بار پھر مؤخر کرتے ہوئے کیس کی سماعت 11 ستمبر تک ملتوی کردی۔