عام انتخابات میں سیٹ ایڈجسٹمنٹ کے معاملے پر استحکام پاکستان پارٹی (آئی پی پی) کا دو ٹوک مؤقف سامنے آگیا۔

استحکام پاکستان پارٹی نے کسی بھی جماعت سے سیٹ ایڈجسٹمنٹ نہ کرنے کا فیصلہ کرلیا۔

اس حوالے سے استحکام پاکستان پارٹی کی رہنما فردوس عاشق اعوان نے ٹویٹ کرتے ہوئے کہا کہ بعض حلقے استحکام پاکستان پارٹی کے متعلق سیٹ ایڈجسٹمنٹ کے حوالے سے افواہ سازی کر رہے ہیں۔

انہوں نے مزید کہا کہ استحکام پاکستان پارٹی اپنی انفرادی حیثیت سے انتخاب میں حصہ لے گی۔ سیٹ ایڈجسٹمنٹ کے حوالے سے ہونے والی تمام باتیں قبل از وقت ہیں۔