پیرو کے حکام نے اتوار کو برازیل کی سرحد کے ساتھ انسانی اسمگلروں کے چنگل سے 23 افغان تارکین وطن کو بچایا ہے۔

پیرووین پراسیکیوٹرز نے بتایا کہ افغان تارکین وطن ایکواڈور جانے کی کوشش کر رہے تھے، ان افغان تارکین وطن نے اسمگلروں کو رقم ادا کی تاکہ انہیں ملک بھر میں ور شمالی سرحد تک پہنچایا جا سکے۔

پراسیکیوٹر کے دفتر سے جاری ایک بیان میں کہا گیا کہ انہیں پیسے لینے کے باوجود دھوکہ دیا گیا اور پیرو برازیل کی سرحد کے ساتھ واقع میڈری ڈی ڈیوس ڈپارٹمنٹ کے اناپاری گاؤں میں بغیر کھانا دیے ایک گھر میں محصور رکھا گیا۔

پراسیکیوٹرز آفس نے کہا کہ متاثرین میں ”چار بچے بھی شامل ہیں، جن میں ایک دو ماہ کا بچہ بھی ہے۔“

لیکن یہ نہیں بتایا گیا کہ تارکین وطن نے اسمگلروں کو کتنی رقم ادا کی تھی۔

افغان تارکین وطن کو یہ یقین دلایا گیا تھا کہ انہیں ایک علاقائی شہر میں منتقل کر دیا جائے گا۔