اسلام آباد: وفاقی حکومت نے ایک بار پھر بجلی کی قیمت میں اضافہ کردیا۔

حکومت نے آئی ایم ایف کی ایک اورشرط پوری کرتے ہوئے بجلی کی قیمتوں میں 1 روپے 24 پیسے فی یونٹ اضافہ کردیا۔

نیشنل الیکٹرک پاور ریگولیٹری اتھارٹی (نیپرا) نے بجلی کی قیمت میں اضافے سے متعلق نوٹیفیکیشن جاری کردیا ہے۔

نوٹیفکیشن کے مطابق بجلی کی قیمت میں سہ ماہی ایڈجسٹمنٹ کی مد میں ایک روپے 24 پیسے فی یونٹ اضافہ کیا گیا ہے جس کا اطلاق جولائی، اگست اور ستمبر کے بلوں میں ہوگا۔

نیپرا نوٹیفکیشن میں بتایا گیا ہے کہ اضافے سے صارفین پر 46 ارب 76 کروڑ روپے کا بوجھ پڑے گا۔

واضح رہے کہ چند روز قبل بھی نیپرا نے بجلی کی قیمت میں اضافے کی منظوری دی تھی۔