بالی ووڈ کے سینئر اداکار اور سیاستدان متھن چکرورتی کی والدہ شانتی رانی چکرورتی چل بسیں۔

بالی ووڈ اداکار متھن چکرورتی کے بیٹے نماشی نے دادی کی موت کی خبر کی تصدیق کردی۔

بھارتی میڈیا رپورٹ کے مطابق متھن چکرورتی کی والدہ کچھ عرصے سے جیریاٹرک مسائل (بڑھاپے اور پیرانہ سالی کی وجہ سے ہونے والی بیماریاں) کا شکار تھیں اور ان کا علاج بھی جاری تھا۔

دریں اثنا ترینمول کانگریس کے ترجمان کونل گھوش اور بی جے پی کے رکن پارلیمنٹ اگنی مترا پال نے شانتی رانی کے انتقال پر متھن چکروتی سے دلی ہمدردی اور افسوس کا اظہار کیا ہے۔

واضح رہے کہ سوا تین برس قبل اپریل 2020 متھن کے والد گردے کے عارضے کے باعث چلے بسے تھے۔