ساؤتھ ایشین باڈی بلڈنگ چیمپین شپ میں پاکستانی باڈی بلڈرز نے شاندار کارکردگی دکھاتے ہوئے ایک گولڈ اور دو برانز میڈلز جیت لیے۔

مالدیپ میں جاری ساؤتھ ایشین باڈی بلڈنگ چیمپین شپ میں پاکستان کے باڈی بلڈرز نے شاندار کارکردگی پیش کرتے ہوئے ملک کا قومی ترانہ اور سبز ہلالی پرچم سر بلند کردیا۔

باڈی بلڈنگ چیمپین شپ میں پاکستانی باڈی بلڈرز نے ایک گولڈ اور دو براؤنز میڈلز جیتے۔

پاکستان کے شہزاد قریشی نے 80 کلوگرام کٹیگری میں بھارت کو پیچھے چھوڑتے ہوئے گولڈ میڈل جیتا۔ شہزاد قریشی نے گزشتہ ایونٹ میں بھی گولڈ میڈل جیتا تھا۔

ساؤتھ ایشین باڈی بلڈنگ چیمپین شپ کی جونئیر 75 کلو گرام کٹیگری میں پاکستان کے ابراہیم خان نے براؤنز میڈل جیتا، جب کہ 70 کلو گرام کٹیگری میں بھی پاکستان کے شاہد اللہ نے براؤنز میڈل اپنے نام کیا۔