لاہور کی بینکنگ کورٹ نے سابق وزیراعلیٰ پنجاب چوہدری پرویز الہٰی کی منی لانڈرنگ کے الزام میں رہائی کے لیے درخواست ضمانت پر ایف آئی اے سے ریکارڈ طلب کرلیا۔

پی ٹی آئی کے صدر چوہدری پرویز الہٰی کی درخواست ضمانت پر بینکنگ کورٹ کے جج کی عدم دستیابی کی وجہ سے کوئی پیش رفت نہ ہوسکی۔

ڈیوٹی جج نے سماعت کی اور ایف آئی اے کو ریکارڈ پیش کرنے کا حکم دیتے ہوئے سماعت 10 جولائی تک ملتوی کردی۔

چوہدری پرویز الہٰی نے اپنے وکیل کے توسط سے رہائی کے لیے درخواست ضمانت دائر کی، جس میں نشاندہی کی گئی کہ سابق وزیر اعلی پنجاب جوڈیشل ریمانڈ پر جیل میں ہیں اور ان سے کوئی تفتیش نہیں کی جانی، اس لیے انہیں سلاخوں کے پیچھے رکھنے کا کوئی فائدہ نہیں ہے۔

درخواست میں عدالت سے استدعا کی گئی کہ سابق وزیراعلیٰ پنجاب کی درخواست ضمانت منظور کرکے رہا کرنے کا حکم دیا جائے۔