اسلام آباد کی انسداد دہشت گردی عدالت نے تھانہ رمنا میں درج مقدمے میں سابق اسپیکر قومی اسمبلی اسد قیصر کی ضمانت کنفرم کر دی۔

انسداد دہشت گردی عدالت اسلام آباد کے جج ابو الحسنات محمد ذوالقرنین نے درخواست پر سماعت کی، اس دوران اسد قیصر اپنے وکیل کے ہمراہ پیش ہوئے۔

عدالت نے اسد قیصر کی ضمانت کنفرم کرتے ہوئے ایک لاکھ روپے کے ضمانتی مچلکے جمع کرانے کا حکم دے دیا۔

واضح رہے ہ اسد قیصر کے خلاف تھانہ رمنا میں دہشت گردی کی دفعات کے تحت ایف آئی آر درج ہے۔