قومی کرکٹ ٹیم کے فاسٹ بالر حارث رؤف کی شادی کی تقریبات کا آغاز ہوچکا ہے، قوالی نائٹ کے بعد کرکٹرکی مہندی کی تقریب سے بھی تصاویر اور ویڈیوز سوشل میڈیا پر وائرل ہیں۔

قوالی نائٹ میں جیپ پر آنے والے حارث رؤف نے مہندی میں بائیک اور گھوڑے دونوں پر انٹری دی۔

کھلاڑی کے مداحوں کی جانب سے شیئر کی جانے والی ویڈیوز سوشل میڈیا ایپس پر خوب پسند کی جارہی ہیں۔

دلہن مزنہ کا ایک مختصر ویڈیو کلپ بھی ٹوئٹراور انسٹاپروائرل ہے۔ پیلے گھیردار لانگ فراک میں ملبوس مزنہ انتہائی دلکش لگ رہی ہیں۔

میڈیا رپورٹس کے مطابق حارث اپنی دلہن مزنہ مسعود کو جمعہ 7 جولائی کو رخصت کروا کے لائیں گے۔ ساتھی کھلاڑی بھی حارث کی خوشیوں میں شریک ہونے اسلام آباد پہنچیں گے۔

حارث کا نکاح ان کی کلاس فیلو مزنہ مسعود کے ساتھ دسمبر 2022 میں اسلام آباد میں سرانجام پایا تھا۔