پی ٹی آئی چیئرمین کے کزن ڈاکٹر نوشیروان برکی کو لیڈی ریڈنگ اسپتال کے بورڈ اف گورنر چئیرمین کے عہدے سے ہٹا دیا گیا۔

خیبرپختونخوا کی نگراں حکومت کا بڑا فیصلہ سامنے آیا ہے، اور پشاور کے لیڈی ریڈنگ اسپتال کے بورڈ آف گورنر چئیرمین ڈاکٹرنوشیروان برکی کو عہدے سے ہٹا دیا گیا ہے، ڈاکٹر نوشیروان برکی پی ٹی آئی چیئرمین کے کزن ہیں۔

صوبائی حکومت کی جانب سے دیگر اسپتالوں کے 8 بورڈ آف گورنرز کے ممبران کو بھی ہٹا دیا گیا ہے، جب کہ 10 نئے بورڈ آف گورنرز کے ممبران کی تعیناتی کا اعلامیہ بھی جاری کردیا گیا ہے، اور ڈاکٹر زبیر خان ایل آر ایچ کے نئے چیئرمین تعینات کردیئے گئے ہیں۔

اعلامیے کے مطابق مشتاق جدون کو ایوب ٹیچنگ ہسپتال، قاضی حسین احمد میڈیکل کمپلیکس نوشہرہ، خلیفہ گلنواز ٹیچنگ ہسپتال بنوں کے ایم ٹی آئی سربراہان اور ممبران کو بھی عہدے سے ہٹادیا گیا ہے۔

نگران صوبائی حکومت نے نئے متعین بی او جیز سربراہان اور ممبران کی تعیناتی اعلامیہ جاری کردیا ہے۔