کراچی کا موسم آج بھی انتہائی گرم مگر ابر آلود رہے گا۔ محکمہ موسمیات نے شہرقائد میں بارش کے منتظرشہریوں کو اچھی خبرسُنا دی ہے۔

شہر کا موجودہ درجہ حرارت 32ڈگری سینٹی گریڈ ریکارڈ کیا گیا جب کہ آج زیادہ سے زیادہ درجہ حرارت 37 ڈگری سینٹی گریڈ رہنے کا امکان ہے۔

محکمہ موسمیات کا کہنا ہے کہ شہر میں ہوا میں نمی کا تناسب 72 فیصد ہے اور جنوب سے مغرب چلنے والی ہواؤں کی رفتار 11 کلو میٹر فی گھنٹہ ہے۔

اس کے علاوہ شہر قائد میں بارشوں کے حوالے سے محکمہ موسمیات نے بتایا کہ کراچی میں 7 اور 8 جولائی کو تیزہواؤں، آندھی اور گرج چمک کے ساتھ بارش متوقع ہے۔