قربانی کے موقع پرجانوروں کے مالکان کی جانب سے ان کی نادیدہ خوبیاں گنوا کر قیمتوں میں دُگنا اضافہ معمول کی بات ہے، لیکن دنیا میں گائے کی ایک قسم ایسی بھی ہے جس کی قیمت بڑھانے کے لیے عید بقرعید کا انتظار نہیں کرنا پڑتا۔ نیلوری نسل کی یہ دنیا کی مہنگی ترین گائے اپنی قیمت کے باعث صرف امراء کی ہی پہنچ میں ہے۔

دنیا کی اس سب سے مہنگی گائے کا تعلق برازیل سے ہے اور یہ اتنی مہنگی ہے کہ اسے اپنے ملک میں گنے چُنے افراد ہی خریدنے کی استطاعت رکھتے ہیں اسی لیے اس کے مختلف حصوں کی ملکیت فروخت کی جاتی ہے ۔

نیوز ویک کی رپورٹ کے مطابق اس نسل کی ساڑھے 4 سال عمر کی ایک گائے کی ملکیت کا ایک تہائی حصہ حال ہی میں برازیل میں ہونے والی ایک نیلامی میں 6.99 ملین برازیلین رئیل میں فروخت ہوا جو 1.44 ملین امریکی ڈالرز (41 کروڑ 76 لاکھ ) کے مساوی ہے۔

ایک تہائی حصے کی قیمت اتنی ہے تو یہ بھی جان لیجئے کہ اس نایاب گائے کی کل قیمت 4.3 ملین امریکی ڈالرز ہے جو پاکستانی روپوں میں ایک ارب 24 کروڑ سے زائد ہے۔

اس سے قبل 2022 میں اسی نسل کی ایک گائے کا نصف حصہ 8 لاکھ ڈالر میں فروخت ہوا تھا جو اپنی جگہ ایک ریکارڈ تھا تاہم اب نئی بولی سے یہ ریکارڈ ٹوٹ گیا ہے۔

امریکا کی اوکلاہوما سٹیٹ یونیورسٹی کے مطابق ”نیلوری“ نسل چمکدار سفید رنگ کی وجہ سے پہچان رکھتی ہے، جس کے کندھوں کے اوپر ایک کوہان ہوتا ہے۔۔ یہ قدرتی طور پر زیادہ درجہ حرارت کے خلاف مزاحمت رکھتی ہے۔

اس نسل کی ابتدا بھارت سے ہوئی تھی اور اسکا نام ریاست آندھرا پردیش میں نیلورخطے کے نام پررکھا گیا تھا ، لیکن اب یہ تاہم اب ہہ برازیل میں سب سے اہم گائے کی نسلوں میں سے ایک سمجھی جاتی ہے جس کی بنیادی وجہ سختی اور خراب معیار کے چارے پر پلنے بڑھنے کی صلاحیت ہے۔ یہ گائے مؤثر غذائیت کی نمائندگی کرتی ہے۔ اس نسل کی گائیں آسانی سے دوبارہ پیدا ہوجاتی ہیں ۔

نیلوری گائے جلد کی موٹی ساخت کی وجہ سے متعدد انفیکشنز کیخلاف بھی موثر مزاحمت رکھتی ہے۔سخت جلد کی وجہ سے خون چوسنے والے کیڑوں کا بھی گائے کے اندر گھسنا مشکل ہوجاتا ہے۔

انہی منفردخصوصیات کے باعث نیلوری گائے کی قیمت انتہائی زیادہ ہے۔۔ دلچسپ بات یہ ہے کہ ان خصوصیات کو مصنوعی طور پربڑھایا بھی جاسکتا ہے۔ اس نسل یا تناؤ کے سپرم کی فروخت برازیل میں گائے کے لئے مصنوعی حمل کی کل مارکیٹ کا 65 فیصد بنتی ہے۔

واضح رہے کہ برازیل میں تقریباً 167 ملین نیلوری نسل کی گائے پائی جاتی ہیں جو ملک بھر میں پائی جانے والی گائے کی کُل تعداد کا 80 فیصد ہے۔