کراچی کے علاقے رامسوامی میں بالکونی سے جھگڑا دیکھنے والا شہری جان سے ہاتھ دھو بیٹھا۔

پولیس کے مطابق رام سوامی میں جھگڑے کے دوران ایک شخص نے ہوائی فائرنگ کردی، فائر کی گئی گولی عمارت کی بالکونی میں کھڑے شخص کے سینے میں لگی، گولی کی زد میں آنے والا شخص موقع پر ہی جاں بحق ہوگیا۔

پولیس نے مزید بتایا کہ مقتول بالکونی میں کھڑا ہو کر گلی میں ہونے والا جھگڑا دیکھ رہا تھا، واقعے سے متعلق مزید تحقیقات کررہے ہیں، جاں بحق شخص کی شناخت الیاس کے نام سے ہوئی۔