سابق رکن قومی اسمبلی اکرم چیمہ نے پی ٹی آئی سے علیحد گی کا اعلان کردیا۔

کراچی میں پریس کانفرنس کرتے ہوئے اکرم چیمہ نے کہا کہ سانحہ 9 مئی کا ہدف صرف مسلح افواج نہیں تھی، کیپٹن کرنل شیر خان کے مجسمےکو ٹارگٹ کیا گیا،بے حرمتی کی گئی، دشمن نے بھی کرنل شیر خان کی بہادری کا اعتراف کیا تھا۔

انہوں نے پارٹی سے علیحدگی کا اعلان کرتے ہوئے کہا کہ سانحہ 9 مئی کے تمام واقعات کی پرزور مذمت کرتا ہوں اور پی ٹی آئی کی رکنیت سے مستعفی ہوتا ہوں۔

اکرم چیمہ کا کہنا تھا کہ 9 مئی کے ملوث عناصر کو عبرت کا نشانہ بنایا جائے اس سے کم پر بات نہیں ہوگی، اگر ملک نے آگے چلنا ہے تو ان واقعات میں ملوث ملزمان کو کٹہرے میں کھڑا کرنا پڑے گا۔