متحدہ عمرب امارات کے شہر عجمان کی ایک کثیر المنزلہ عمارت میں آگ بھڑک اٹھی، جس نے کئی منزلوں کو اپنی لپیٹ میں لے لیا۔

پولیس اور سول ڈیفنس کی ہنگامی ٹیموں نے رہائشی ٹاور میں لگنے والی آگ پر قابو پانے کے لیے تیزی سے کارروائی کی اور آگ پر قابو پالیا۔

عجمان پولیس کے مطابق امارات کے الراشدیہ 3 ضلع میں عجمان ون کمپلیکس کے اندر ٹاور ٹو میں آگ بھڑک اٹھی۔

عجمان سول ڈیفنس کے ایک سینئر اہلکار کے مطابق عمارت کو فوری طور پر خالی کرایا گیا اور سول ڈیفنس کی ٹیموں نے فوری طور پر آگ پر قابو پایا جس کے نتیجے میں کوئی جانی نقصان نہیں ہوا۔

اس دوران عمارت کے رہائشییوں کو فٹ پاتھ پر بیٹھے دیکھا گیا جو حکام کی ہدایات کا انتظار کر رہے تھے۔ اس دوران قریبی علاقے کے مقامی لوگوں نے متاثرہ مکینوں میں پانی کی بوتلیں تقسیم کیں۔

میجر جنرل ڈاکٹر جاسم محمد المرزوقی، وزارت داخلہ میں سول ڈیفنس کے کمانڈر انچیف، بریگیڈیئر جنرل عبداللہ سیف المطروشی، عجمان پولیس کے ڈائریکٹر جنرل آف پولیس آپریشنز اور کرنل خالد احمد الشمسی، ڈپٹی ڈائریکٹر کے ساتھ عجمان سول ڈیفنس کے جنرل نے آگ بجھانے کے آپریشن کی نگرانی کی۔

عجمان پولیس کے ڈائریکٹر جنرل آف پولیس آپریشنز بریگیڈیئر جنرل عبداللہ سیف المطروشی نے واضح کیا کہ پولیس آپریشنز روم کے تعاون سے عجمان ون ٹاور ٹو واقعہ کی جگہ پر ایک موبائل پولیس اسٹیشن قائم کیا گیا تھا جو رپورٹس، سرٹیفکیٹ، اور رہائشیوں کے لیے مدد جیسی خدمات پیش کرتا ہے۔

مزید برآں، ٹرانسپورٹ اتھارٹی کے ساتھ شراکت میں، ہلال احمر کے تعاون سے متاثرہ ٹاور کے رہائشیوں کو عجمان اور شارجہ کے ہوٹلوں میں منتقل کرنے میں سہولت کے لیے سات بسوں کا انتظام کیا گیا۔