چارسدہ اسپتال میں مریضوں کے ساتھ نامناسب رویے پر ڈیوٹی پر مامور 2 ڈاکٹروں کے خلاف انکوائری میں ثبوت سامنے آنے پر معطل کردیا گیا۔

چارسدہ اسپتال میں ڈیوٹی کے دوران مریضوں کے ساتھ نامناسب رویے کی ویڈیو وائر ہونے پر محکمہ صحت نے کارروائی کرتے ہوئے 2 ڈاکٹوں کو معطل کرنے کے احکامات جاری کردیے۔

معطل ہونے والے 2 ڈاکٹروں میں میڈیکل آفیسر عدنان اور میڈیکل آفیسر نعمان شامل ہیں۔

اس سلسلے میں محکمہ صحت خیبر پختونخوا نے باقاعدہ اعلامیہ جاری کردیا۔

نگراں وزیراعلیٰ خیبرپختونخوا اعظم خان نے کہا کہ انکوائری میں الزامات ثابت ہونے پر ان دونوں ڈاکٹروں کو معطل کیا گیا، سرکاری ملازمین کی طرف سے اس طرح کا رویہ کسی صورت قابل قبول نہیں، محکموں میں چند افراد کے نامناسب رویے کی وجہ سے پوری کمیونٹی کے لیے بدنامی کا باعث بنتے ہیں، سرکاری ملازمین عوام کے خادم ہیں۔