پاکستان فٹبال ٹیم کو بھارت میں ہونے والی ساؤتھ ایشین فٹبال فیڈریشن (ساف) چیمپئن شپ میں شرکت کے لیے ماریشیس سے بھارت کے ویزے جاری کردیے گئے۔

ماریشیس میں موجود بھارتی ہائی کمیشن نے پاکستان فٹبال ٹیم کو ویزے جاری کردئیے، پاکستان فٹبال ٹیم دستیاب فلائٹ سے بھارت روانہ ہوگی، پاکستان فٹبال ٹیم ساف چیمپئن شپ میں شرکت کے لیے بھارت روانہ ہوگی۔

پاکستان فٹبال ٹیم نے 2 مرتبہ بھارت جانے کے لیے ائر ٹکٹ بکنگ کینسل کروائی تھی، پاکستان ٹیم ماریشس سے 4 ملکی ٹورنامنٹ کھیلنے کے بعد دستیاب فلائیٹ سے بھارت کے شہر بنگلور جائے گی۔

واضح رہے کہ ساف چیمپئن شپ 21 جون سے بھارتی شہر بنگلور میں شروع ہورہی ہے اور اسی روز پاکستان فٹبال ٹیم کو اپنا افتتاحی میچ روایتی حریف بھارت کے خلاف کھیلنا ہے۔

ذرائع کا کہنا ہے کہ پاکستان اور بھارت کا میچ ری شیڈول کرنے کا آپشن موجود ہے۔