پاکستان مسلم لیگ ق کے سربراہ چوہدری شجاعت حسین نے حکومت سے ٹیکسٹائل سیکٹر کو دی جانے والی جی ایس پی پلس مراعات کو برقرار رکھنے کا مطالبہ کردیا۔

چوہدری شجاعت حسین سے ماہر توانائی مجاہد چٹھہ نے ملاقات کی، جس میں پاکستان میں توانائی کی بگڑتی ہوئی صورتحال سے نمٹنے اور لوگوں کی مشکلات کو دور کرنے پر تفصیلی تبادلہ خیال کیا گیا۔

پاکستان مسلم لیگ ق کی قیادت کی جانب سے توانائی کے سلسلہ میں جامعہ فریم ورک تیار کرنے کی ہدایت کر دی۔

اس موقع پر چوہدری شجاعت حسین کا کہنا تھا کہ حکومت ٹیکسٹائل سیکٹر کو دی جانے والی جی ایس پی پلس مراعات کو برقرار رکھے۔

چوہدری سرور نے کہا کہ جی ایس پی پلس ملک کی گرتی ہوئی برآمدات کو بڑھانے کے لیے اہم ہے، پاکستان مسلم لیگ وہ واحد جماعت ہے جو ریفارمز کے ایجنڈے پر کام کر رہی ہے۔

پاکستان مسلم لیگ ق کی مرکزی قیادت نے قاسم مہدی کو پارٹی کا مرکزی ترجمان مقرر کرتے ہوئے پارٹی منشور اور ریفارمز کے ایجنڈے کو میڈیا کے سامنے فعال انداز میں پیش کرنے کی ہدایت کی۔