سپریم کورٹ کے سینئر ترین جج جسٹس قاضی فائزعیسیٰ کا ایک اور خط منظر عام پر آگیا جس میں انہوں نے بطور چیف جسٹس پاکستان مقدمات فیصلوں کا نظام صاف شفاف بنانے کی کوشش کا تذکرہ کیا ہے۔

جسٹس قاضی فائز عیسیٰ نے سابق صدر ملتان بار کونسل ریاض الحسن گیلانی کوخط لکھا، جس میں انہوں نے کہا کہ بطور چیف جسٹس پاکستان مقدمات فیصلوں کا نظام صاف شفاف بنانے کی کوشش کروں گا۔

جسٹس قاضی فائز عیسیٰ نے کہا کہ بینچز کی تشکیل اور مقدمات کو سماعت کے لیے مقرر کرنے شفاف بنانے کی کوشش کروں گا، بار کے تعاون سے عدالتی نظام میں ریفارمز لانے کی کوشش کروں گا۔

خیال رہے کہ ریاض الحسن گیلانی نے عدالتی تعطیلات پر چیف جسٹس عمر عطاء بندیال اور جسٹس قاضی فائز عیسیٰ کو خط لکھا تھا۔