ایم کیو ایم پاکستان کے کنوینرڈاکٹر خالد مقبول صدیقی نے الیکشن شیڈول کے اعلان تک ووٹر فہرستوں کو منجمد کرنے کے فیصلہ کو واپس لینے کے لیے چیف الیکشن کمشنر کو خط لکھ دیا۔

خط کے مطابق شیڈول کے اعلان تک ووٹرفہرستوں کومنجمد کرنےکا فیصلہ واپس لیا جائے، انتخابی فہرستوں میں اندراج و اخراج کا کام جاری رہنا چاہیے۔

مزید کہا کہ 18سال سے زائد عمر کے نوجوانوں کا انتخابی فہرست میں اندراج یقینی بنانا ہے، فہرستوں کومنجمد کرنے کا فیصلہ انتخابات کی شفافیت پرسوالیہ نشان ہے۔

ترجمان ایم کیو ایم کے بیان کے مطابق لاکھوں نوجوانوں کا انتخابی فہرستوں میں اندراج سے قبل فہرستوں کا منجمد ہونا ان سے دانستہ طور پر حق رائے دہی سے محروم کرنے کے مترادف ہوگا۔

مزید کہا کہ انتخابی شیڈول کے اعلان سے پہلے ہی انتخابی فہرستوں کو منجمد کرنے کا فیصلہ انتخابات کی شفافیت پر سوالیہ نشان ہے۔