آئل مارکیٹنگ کمپنیوں نے کہا ہے کہ پیٹرولیم مصنوعات، مارکیٹ کے بجائے کسٹم بانڈڈ ویئر ہاؤس سے خریدنے سے قومی خزانے کو نقصان پہنچے گا۔

آئل مارکیٹنگ کمپنیوں کی تنظیم او سی اے سی نے وزارت پیٹرولیم کی پالیسی کی مخالفت کرتے ہوئے کہا ہے کہ پالیسی میں آئل مارکیٹنگ کمپنیز کو مساوی مواقع نہیں ملیں گے، اس پالیسی سے مقامی پیداوار اور ریفائنریز کو نقصان ہوگا۔

او سی اے سی کے مطابق پورٹ قاسم پر آئل مارکیٹنگ کمپنیوں کیلیے جگہ کم بچے گی جبکہ قیمتوں میں اتار چڑہاؤ سے کمپنیوں کے موجودہ کنٹریکٹ کو نقصان پہنچے گا، ملک میں تیل کی سپلائی چین میں تعطل آنے کا خدشہ ہوسکتا ہے، حکومت کو سیلز ٹیکس کی مد میں ریونیو نقصان ہوسکتا ہے، یہ پالیسی ملک میں اسٹوریج اور انفر اسٹرکچر کو نقصان پہنچائے گی۔