قدرتی مصالحہ جات اور چاول اور گوشت سے تیار کردہ ذائقے دار بنوں کے بیف پلاؤ نے اب کوہاٹ میں بھی خاصی مقبولیت اختیار کر لی۔

خیبر پختونخوا کے ذائقہ دار کھانوں میں بنوں بیف پلاؤ کا اپنا ایک نام ہے۔ اب کوہاٹ کے مقامی ہوٹل میں بھی اس کی مانگ میں روز بروز اضافہ ہو رہا ہے۔

شہریوں کا کہنا ہے بنو بیف پلاؤ کو جو ایک بار کھاتا ہے وہ بار بار مانگتا ہے۔ پہلے اس ذائقہ کا مزہ بنوں میں لیا جاتا تھا لیکن اب کوہاٹ میں بھی بنوں بیف پلاؤ دستیاب ہے۔

پکوان سینٹر کے مالک کا کہنا ہے کہ قدرتی مصالحہ جات اور چاول کے مقابلے میں گوشت کی زیادہ مقدار کی وجہ سے بنوں بیف پلاؤ کا ذائقہ منفرد ہے۔