کوسٹ گارڈ نے کامیاب کارروائی میں 35 کروڑ روپے سے زائد مالیت کی منشیات قبضے میں لے لی۔

ترجمان پاکستان کوسٹ گارڈز کے مطابق اوتھل میں ایک کارروائی کے دوران گاڑی سے کروڑوں روپے مالیت کی کرسٹل اور آئس برآمد ہوگی ہے۔

ترجمان نے بتایا کہ اوتھل میں واقع ہوٹل کے قریب ایک مشکوک گاڑی کو رکنے کا اشارہ کیا، تاہم ملزمان نے گاڑی روکنے کے بجائے بھگا دی، پیچھا کرنے پر ملزمان گاڑی چھوڑ کر فرار ہو گئے۔

ترجمان کوسٹ گارڈز نے بتایا کہ گاڑی کی تلاشی لینے پر ساڑھے 4 کلو کرسٹل اور 5 کلو آئس برآمد ہوئی، پکڑی جانے والی منشیات کی مالیت 1.23ملین ڈالر (35 کروڑ 24 لاکھ 87 ہزار روپے پاکستانی) کے لگ بھگ ہے۔