اینٹی کرپشن پنجاب نے لیہ اراضی اسکینڈل کیس میں پاکستان تحریک انصاف کے چیئرمین، ان کی بہن اور بہنوئی کو دوبارہ طلب کرلیا۔

ترجمان اینٹی کرپشن اسٹیبلشمنٹ پنجاب کی جانب سے جاری اعلامیے کے مطابق لیہ اراضی کیس میں سابق وزیراعظم عمران خان سمیت ان کی بہن عظمی خان اور بہنوئی احد مجید کو 19 جون کو دوبارہ طلب کیا گیا ہے۔

سابق وزیراعظم کی بہن عظمیٰ خان اور بہنوئی احد مجید کو بھی اینٹی کرپشن ڈی جی خان میں پیش ہونے کی ہدایت کی گئی ہے۔

اینٹی کرپشن نے دوبارہ طلبی کے نوٹس زمان پارک میں ان کی رہائش گاہ پر چسپاں کردیے۔

ترجمان کا کہنا ہے کہ اینٹی کرپشن کے پاس سابق وزیراعظم کے لیہ اراضی سکینڈل میں ملوث ہونے کے واضح ثبوت موجود ہیں، اراضی کے غیر قانونی انتقال کے لیے ریونیو افسران پر بنی گالا سے دباؤ ڈالا گیا۔

اینٹی کرپشن حکام کے مطابق عظمیٰ خان اور ان کے شوہر پر لیہہ میں 5162 کنال زمین کی غیرقانونی طور پر حاصل کرنے کا مقدمہ درج ہے۔

اس سے قبل تینوں کو 16 جون کو انٹی کرپشن ڈی جی خان نے طلب کیا تھا، جس میں تینوں پیش نہیں ہوئے تھے۔

ٹیم نے طلبی کے دوسرے نوٹس کی زمان پارک میں تعمیل کروائی اور اسے دیوار پر چسپاں بھی کردیا۔