کراچی کے میئر ڈپٹی میئر کے انتخاب میں پی ٹی آئی چیئرمین وائس چیئرمین کیوں نہیں پہنچے۔ پی ٹی آئی سندھ کے صدر حلیم عادل شیخ کے احکامات پر 11 رکنی تحقیقاتی کمیٹی قائم کر دی گئی۔

کمیٹی میں پی ٹی آئی رہنما خرم شیر زمان، ارسلان گھمن، عطاء اللہ خان ، آفتاب جہانگیر، فہیم خان، سعید آفریدی، راجا اظہر، ڈاکٹر شہاب امام اور ایڈووکیٹ شجاعت علی خان کو شامل کیا گیا ہے۔

کمیٹی کا نوٹیفکیشن سندھ کے جنرل سیکرٹری ایڈووکیٹ علی پلھ نے جاری کر دیا۔ کراچی کے پارلیمانی لیڈر پر مشتمل 11 رکنی کمیٹی میں مبشر حسن کا اضافہ کیا گیا ہے۔

کمیٹی کل شام پانچ بجے تک تحقیقات کے بعد رپورٹ سندھ کے صدر کے حوالے کرے گی کہ پی ٹی آئی کے چیئرمین وائس چیئرمین کراچی کے میئر اور ڈپٹی میئر کے الیکشن میں ووٹ دینے کیوں نہیں پہنچے۔