پاکستان پیپلز پارٹی نے کراچی کے 25 ٹاؤنز میں چیئرمین اور وائس چیئرمین کے لیے ہونے والے انتخابات میں کامیابی حاصل کرلی ہے۔

الیکشن کمیشن آف پاکستان کے مطابق سندھ کی حکمراں جماعت پیپلز پارٹی نے 25 میں سے 13 ٹاؤنز میں کامیابی حاصل کی ہے۔

جماعت اسلامی نے 9 ٹاؤنز میں کامیابی حاصل کی اور پاکستان تحریک انصاف (پی ٹی آئی) تین ٹاؤنز میں فتح سمیٹنے میں کامیاب ہوئی ہے۔

واضح رہے کہ یہ پہلی مرتبہ ہے کہ پیپلز پارٹی نے کراچی میں میئر اور ٹاؤن کے انتخابات میں کامیابی حاصل کی ہے۔