لاہور ہائیکورٹ نے پاکستان تحریک انصاف کی چیئرمین عمران خان کی اہلیہ بشریٰ بی بی کی تھانہ کوہسار اسلام آباد میں درج مقدمے میں 21 جون تک حفاظتی ضمانت منظور کرلی۔

لاہور ہائیکورٹ کےجسٹس محمد امجد رفیق نے بشری بی بی کی درخواست پر سماعت کی۔

بشریٰ بی بی کے وکیل نے عدالت میں مؤقف اختیار کیا کہ بشری بی بی اپنے کیس کا دفاع کرنے لئے متعلقہ عدالت میں پیش ہونا چاہتی ہیں، خدشہ ہے متعلقہ عدالت میں پیش ہونے سے پہلے پولیس گرفتار کرلے گی۔

یاد رہے کہ تھانہ کوہسار اسلام آباد میں تحریک انصاف کے چیئرمین عمران خان کی اہلیہ بشریٰ بی بی کے خلاف توشہ خانہ کی ایک گھڑی کی فروخت کی جعلی رسید بنانے کا مقدمہ درج ہے۔

عدالت نے اسی مقدمے میں عمران خان کی بھی 21 جون تک حفاظتی ضمانت منظور کررکھی ہے۔