ٹویٹر کی نئی سربراہ لنڈا یاکارینو نے پل پل نئی مصیبتوں کے دلدل میں دھنستے سوشل میڈیا پلیٹ فارم ”ٹویٹر 2.0“ کو دنیا کی توجہ کے مرکز اور ”معلومات کے ایک قابل اعتماد ذریعے“ کے طور پر بیان کیا ہے۔

ٹویٹر کی نئی سی ای او نے ارب پتی مالک ایلون مسک سے سربراہی سنبھالنے کے ایک ہفتے بعد پیر کو ٹویٹس کی ایک سیریز میں کہا ’ٹویٹر دنیا کا سب سے درست ریئل ٹائم معلومات کا ذریعہ اور مواصلات کے لیے ایک عالمی ٹاؤن اسکوائر بننے کے مشن پر ہے۔ یہ خالی وعدہ نہیں ہے۔ یہ ہماری حقیقت ہے۔‘

یاکارینو نے کہا کہ پلیٹ فارم کو ”تبدیلی“ کی ضرورت ہے تاکہ ’معلومات کے غیر فلٹر شدہ تبادلے کے ذریعے معاشرے کو آگے بڑھایا جا سکے اور ان چیزوں کے بارے میں کھلے مکالمے کئے جاسکیں جو ہمارے لیے سب سے اہم ہیں‘۔

ایک سابق NBC یونیورسل مارکیٹنگ ایگزیکٹو کے طور پر، یاکارینو پلیٹ فارم کے نقصان پر قابو پانے کی مہم میں مصروف لگ رہی ہیں، جو اکتوبر 2022 میں مسک کے خریدنے کے بعد سے ہی تنازعات کا شکار ہے۔

مسک نے ٹویٹر کے 80 فیصد عملے کو برطرف کیا، مواد کی اعتدال پسندی کو روک دیا اور ٹویٹر کی ”تصدیق شدہ حیثیت“ کی ایک متنازع اصلاح متعارف کرائی، جو عوامی شخصیات اور میڈیا کے لیے ایک پے ٹو پلے آپشن دے رہی ہے، اس کے تحت کسی بھی صارف کو بلیو ٹک کیلئے آٹھ ڈالر ماہانہ ادا کرنے ہوں گے۔

ٹویٹر مسک کے جانے کے بعد سے مزید بدترین رجحانات کی طرف جھک گیا ہے، کیونکہ صارفین اور حقوق کی تنظیموں نے بوٹس، جعلی اکاؤنٹس، پروپیگنڈا، غلط معلومات اور نفرت انگیز تقریر میں تیزی سے اضافے کی شکایت کر رہے ہیں۔

برانڈز بھی پلیٹ فارم سے فرار ہو گئے ہیں، مبینہ طور پر مسک کے سربراہی سنبھالنے کے بعد ٹویٹر نے اپنے مشتہرین میں سے نصف کو کھو دیا ہے۔

اس سوال کا آج تک کوئی جواب نہیں ملا کہ مسک کس طرح پلیٹ فارم کو منافع بخش بنانے کا ارادہ رکھتے ہیں۔

یہ مسائل اب یاکارینو کے سر پڑ جائیں گے، کیونکہ مسک نے اپنی توجہ اپنی دوسری کمپنیوں، ٹیسلا اور اسپیس ایکس کی طرف مبذول کرلی ہے۔

نئی سی ای او جلد ہی خود کو یورپی یونین میں ریگولیٹرز سے نبرد آزما پاسکتی ہیں، جو دنیا کے کچھ مشکل ترین ڈیٹا پرائیویسی اور مواد کے اعتدال کے قوانین کا گڑھ ہے۔

یاکارینو نے نے لکھا، ’ذمہ داریاں باقی ہیں۔ آپ بھاگ سکتے ہیں، لیکن آپ چھپا نہیں سکتے‘۔

یاکارینو نے اپنے ٹویٹر تھریڈ میں یہ نہیں بتایا کہ وہ ٹویٹر کے سب سے فوری مسائل کو کیسے حل کرنے کی منصوبہ بندی کر رہی ہیں، لیکن ان کا کہنا تھا کہ صارفین ”ایک ساتھ مل کر کچھ بنا سکتے ہیں جو دنیا کو بدل سکتا ہے“۔

انہوں نے مزید لکھا، ’جب آپ اپنے بازوؤں کو اس طاقتور وژن کے گرد لپیٹنا شروع کرتے ہیں، تو لفظی طور پر سب کچھ ممکن ہے۔ آپ کو حقیقی طور پر یقین کرنا ہوگا اور اس یقین کے لیے سخت محنت کرنی ہوگی‘۔