کراچی کے جناح اسپتال کے گائنی وارڈ سے نومولود بچے کے اغوا کے کیس میں پولیس نے ایک خاتون کو گرفتار کرلیا۔

جناح اسپتال کے گائنی وارڈ سے نومولود بچہ اغوا کیے جانے کی تحقیقات جاری ہیں۔ پولیس نے وارڈ سکیورٹی انچارج رضوانہ کو گرفتار کرلیا۔ واقعہ کا مقدمہ گزشتہ روزصدر تھانے میں درج کیا گیا تھا۔ جس میں والدین نے وارڈ سکیورٹی انچارج رضوانہ اور اسٹاف نرس کو نامزد کیا تھا۔

واضح رہے کہ دو روز قبل جناح اسپتال کراچی کے گائنی وارڈ سے نومولود بچہ کے اغواء کے خلاف والدین نے احتجاج کیا تھا۔

بچی کے والد کا کہنا تھا کہ ایک روز قبل بچی کی پیدائش ہوئی تھی، رات 2 سے 3 بجے کے درمیان بچی اغوا ہوئی۔

ابتدائی بیان میں پولیس کا کہنا تھا کہ نامعلوم خاتون نے بچی کا این آئی سی ایچ میں بہانے سے چیک اپ کرایا تھا۔