اسکائی ونگز ایوی ایشن کے سی ای او عاصم نواز نے کہا کہ ایئر ٹیکسی سروس کا 18 جون کو باقاعدہ آغاز کردیا جائے گا۔

عاصم نواز نے کہا کہ ایئرٹیکسی سروس کی آدھی قیمت پر سروس مہیا کی جائے گی جبکہ بین الاقوامی کمپنیوں کی جانب سے بھی بزنس میں شمولیت کے لیے رابطے کیے جارہے ہیں۔

انہوں نے کہا کہ آن لائن ٹیکسی کے لیے ویب ایپلی کیشن بھی آئندہ چند روز متعارف کی جائے گی جبکہ سروس کو 9 ائیرپورٹ کے ساتھ ہی پرائیویٹ ائیرپورٹس کےعلاوہ رحیم یار خان اور بلوچستان کے لیے آپریٹ کیا جائے گا۔

اسکائی ونگز ایوی ایشن کے سی ای او نے کہا کہ کچھ عرصے تک سروس کا دائرہ مُلک بھر میں پھیلایا جائے گا، آن لائن ٹیکسی سروس کے ذریعے بزنس مین اور دیگر افراد بلوچستان سمیت مختلف علاقوں میں سفر کرسکیں گے۔

سی ای او اسکائی ونگز ایوی ایشن عمران اسلم خان کا کہنا ہے کہ پاکستان میں پہلی بار ایئر ٹیکسی سروس کے آغاز کے لیے معاملات حتمی مرحلے میں داخل ہوگئے ہیں، نجی ایوی ایشن کمپنی اسکائی ونگز کی جانب سے جدید دو طیارے کراچی پہنچ گئے ہیں۔

انہوں نے کہا کہ ایئر ٹیکسی سروس سے فائدے کے لیے آن لائن ایپلی کیشن بھی چند روز میں دستیاب ہوگی، اس کے ذریعے ملک بھر کے دور افتادہ علاقوں میں ہنگامی بنیادوں پر آمدورفت ممکن ہوسکے گی۔