اسلام آباد کی احتساب عدالت میں نوری آباد پاور پراجیکٹ ریفرنس میں وزیراعلیٰ سندھ مراد علی شاہ کی آج حاضری سے استثنیٰ کی درخواست منظور کرلی۔

احتساب عدالت کے جج محمد بشیر نے وزیراعلیٰ سندھ مراد علی شاہ سمیت دیگر کے خلاف نوری آباد پاورپراجیکٹ ریفرنس کی سماعت کی۔

مراد علی شاہ کی جانب سے پیر کے روز حاضری سے استثنیٰ کی درخواست دائر کی گئی۔

ریفرنس میں شریک دیگرملزمان کے وکلاء کی عدم موجودگی پر بھی سماعت ملتوی کرنے کی استدعا کی گئی۔

عدالت نے درخواست منظور کرتے ہوئے کیس کی سماعت 23 جون تک ملتوی کر دی۔