سربراہ عوامی مسلم لیگ شیخ رشید نے کہا ہے کہ کوئی فوج کےخلاف بری سوچ نہیں رکھتا، نو مئی کے واقعات میں ملوث افراد کو سزا دی جائے۔

شیخ رشید نے ویڈیو بیان میں کہا کہ گزشتہ رات گالف سٹی پر پولیس نے دوبارہ چھاپا مارا، اہلکار دروازے توڑ کر اندر داخل ہوئے اور ملازمین پر تشدد کرکے ان سے فرمائشی بیانات لئے گئے، پولیس اہلکار گاڑیاں، گھڑیاں اور نقدی تک لے گئے۔

ان کا کہنا تھا کہ پورا ملک 9 مئی کے واقعات پر لعنت بھیج رہا ہے، میں بھی مذمت کرتا ہوں، ملوث افراد کو سزا دی جائے لیکن بے گناہوں کو رہا کیا جائے۔

عوامی مسلم لیگ کے سربراہ نے حکومت کی برائی کی اور فوج کی حمایت میں بیان دیتے ہوئے کہا کہ یہ ہماری فوج ہے، کوئی فوج کےخلاف بری سوچ نہیں رکھتا، پی ڈی ایم کو کسی نے ووٹ نہیں دینے۔