کراچی: پاکستان میں رواں ہفتے کی شروعات میں ہی ڈالر کی قیمت میں اضافہ دیکھا جا رہا ہے۔

انٹربینک میں ڈالر 52 پیسے اضافے سے 286 روپے 19 پیسے پر بند ہوا ہے۔

ڈیلرز کے مطابق اوپن مارکیٹ میں 3 روپے مہنگا ہو کر ڈالر کی قیمت فروخت 303 روپے ہے۔

واضح رہے کہ گزشتہ ہفتے انٹر بینک میں ڈالر صرف 53 پیسے مہنگا ہوا تھا جب کہ اوپن مارکیٹ میں امریکی کرنسی کی قیمت فروخت میں واضح کمی ریکارڈ کی گئی تھی۔

دوسری جانب ڈالر مہنگا ہونے کے باوجود پاکستان اسٹاک ایکسیج میں کاروبار کا مثبت رجحان جاری ہے، 100 انڈیکس 200 پوائنٹس اضافے سے 41 ہزار 600 پوائنٹس پر آگیا ہے۔