وفاقی حکومت نے آئندہ 15 روز کے لئے پیٹرولیم مصنوعات کی قیمتوں میں کمی کا اعلان کردیا۔

اسلام آباد میں نیوز کانفرنس کرتے ہوئے وفاقی وزیر خزانہ سینیٹر اسحاق ڈار نے اعلان کیا کہ ہائی اسپیڈ ڈیزل کی قیمت میں 5 روپے کمی کی گئی ہے جس کے بعد فی لیٹر ہائی اسپیڈ ڈیزل 253 روپے میں فروخت ہورہا ہے۔

اسحاق ڈار نے کہا کہ پیٹرول 8 روپے سستا کردیا گیا ہے، اس کمی کے بعد فی لیٹر پیٹرول کی نئی قیمت 262 روپے ہوگئی ہے۔

وزیر خزانہ کے مطابق لائٹ ڈیزل آئل کی قیمت میں بھی 5 روپے کمی کی گئی ہے، فی لیٹر لائٹ ڈیزل آئل کی نئی قیمت 147 روپے 68 پیسے ہوگئی جب کہ مٹی کے تیل کی قیمت 164 روپے 7 پیسے پر برقرار ہے۔

پیٹرول مصنوعات کی قیمتوں میں کمی کا اطلاق ہوچکا ہے۔