دُنیا میں کئی ایسے واقعات پیش آتے ہیں جو ہمارے دل و دماغ پر نقش ہوکر رہ جاتے ہیں، ایسا ہی ایک واقعہ اُردن میں پیش آیا جس نے لوگوں کے دِلوں کو دہلا دیا، افسوسناک واقعے پر ہر آنکھ اشکبار ہے۔

عرب میڈیا کے مطابق اُردن کی عقبہ گورنری کےعلاقے الشامیہ میں خلیل عبدالنعیمات نامی نوجوان کی بہن کا انتقال اتوار 28 مئی اتوار کو ہوا تھام پیر کی صُبح خلیل طوفانی بارشوں کے باعث آنے والے پانی کے ریلے میں ڈوب کر جان کی بازی ہار گیا۔

میڈیا نے بتایا کہ خلیل کی عمر35 برس تھی وہ زرعی کریڈٹ کارپوریشن میں کام کرتا تھا، اتوار کے روز اپنی بہن فائزہ کی تدفین کرنے کیلئے جانے والا خلیل قبرستان سے تمام افراد کے جانے کے بعد قرآن پاک کی تلاوت کرنے کیلئے بہن کی قبر پر رُک گیا۔

خلیل اپنی بہن کی قبرکے پاس بیٹھا رہا اور جیسے ہی قبرستان نکلا تو کچھ دیر بعد ہی بارش کے باعث آنے والا سیلابی ریلہ اُسے بہا لے گیا۔ خلیل کی موت کی خبرسُن کر لوگوں کو دِلی صدمہ پہنچا ہے،نوجوان کی لاش مل چکی ہے۔