ریاست مدھیہ پردیش میں بھارتی فضائیہ کے مہنگے ترین اپاچی ہیلی کاپٹر کو بھنڈ نامی علاقے میں ہنگامی لینڈنگ کے دوران گرنے سے نقصان پہنچا۔

بھارتی فضائیہ کا کہنا ہے کہ حادثے میں کسی جانی نقصان کی اطلاع موصول نہیں ہوئی ہے۔ ہیلی کاپٹرمعمول کے تربیتی مشن پر تھا۔

بھارتی فضائیہ کے ترجمان نے بتایا کہ لینڈنگ صبح تقریبا 8.45 بجے کی گئی، فی الحال طیارے کا جائرہ لیا جارہا ہے جس کے بعد دوبارہ روانہ کیا جائے گا۔

بھارتی فضائیہ نے اپنی ٹویٹ میں کہا کہ اپاچی اے ایچ 64 ہیلی کاپٹر معمول کی آپریشنل ٹریننگ پر تھا اور ہیلی کاپٹرمیں موجود تمام عملہ محفوظ ہے۔

اپاچی اے ایچ 64 ہیلی کاپٹر دنیا کا جدید ترین ملٹی رول کمبیٹ ہیلی کاپٹر ہے، بھارتی فضائیہ کے پاس یہ 22 کے قریب موجود ہیں۔