لاہور کے چلڈرن اسپتال میں زیادہ ہیٹ دینے سے 2 بچے جھلس گئے جس میں سے ایک بچے کی حالت غیر ہوگئی۔

لاہور کے چلڈرن اسپتال کی نرسری میں بچوں کے جلنے کا واقعہ دوران علاج پیش آیا۔ عملے نے نرسری میں بچوں کو مبینہ طور پر ہیٹ زیادہ دے دی تھی جس کی وجہ سے ایک بچے کی حالت غیر ہوگئی۔

اسپتال کے میڈیکل ڈائریکٹر پروفیسر سلیم کا کہنا ہے کہ جلنے والے بچوں کے علاج پر خصوصی توجہ دی جارہی ہے جبکہ واقعہ کے بعد انکوائری کمیٹی تشکیل دے دی گئی ہے۔ پروفیسر جاوید اقبال کی سربراہی میں کمیٹی واقعے کی تفتیش کرے گی۔