لاہور کی انسداد دہشت گردی عدالت نے سانحہ ماڈل ٹاؤن کیس میں پولیس افسران کی بریت کی درخواستوں پر 2 جون کو دلائل طلب کرلیے۔

انسداد دہشت گردی عدالت کے جج اعجاز احمد بٹر نے سانحہ ماڈل ٹاؤن کیس میں پولیس افسران کی بریت کی درخواستوں پر سماعت کی۔

عدالت نے سابق ایس ایس پی عمر ورک، سابق ڈی ایس پی خالد ابوبکر، سابق ڈی ایس پی میاں شفقت اور سابق انسپکٹر بشیر نیازی کی بریت کی درخواستوں پر 2 جون کو دلائل طلب کرلیے۔

سابق آئی جی پنجاب مشتاق سکھیرا اور ڈی آئی جی آپریشنز رانا عبد الجبار سمیت 3 پولیس افسران پہلے ہی اس کیس سے بری ہو چکے ہیں۔