ملکی تبادلہ منڈیوں میں امریکی ڈالر کی قدر میں مسلسل دوسرے روز کمی کا رجحان دیکھا گیا ہے۔

اسٹیٹ بینک کے مطابق جمعرات کے روز ملکی انٹر بینک میں ایک روپے 39 پیسے کمی کے بعد ڈالر 285 روپے 74 پیسے کی سطح پر بند ہوا ہے۔

کاروباری ہفتے کے ابتدائی چار دنوں میں ڈالر کی قیمت میں 7 پیسے کی کمی ہوئی ہے جب کہ اوپن مارکیٹ میں امریکی کرنسی کی قیمت فروخت چار روپے اضافے سے 312 روپے ہوگئی۔

خیال رہے کہ گزشتہ روز انٹر بینک ڈالر کی قیمت 287 روپے 13 پیسے ریکارڈ کی گئی تھی۔