راولپنڈی: آرمی چیف جنرل عاصم منیر سے آذربائیجان کے اول نائب وزیر دفاع کی ملاقات ہوئی ہے۔

پاک فوج کے شعبہ تعلقات عامہ (آئی ایس پی آر) کے مطابق جنرل سید عاصم منیر سے نائب وزیر دفاع اور آذربائیجان کی فوج کے چیف آف جنرل اسٹاف کرنل جنرل کریم ولی یوف نے جنرل ہیڈ کوارٹرز (جی ایچ کیو) میں ملاقات کی۔

آئی ایس پی آر کے مطابق ملاقات میں دونوں برادر ممالک کے درمیان دفاعی اور سکیورٹی تعاون سے متعلق امور پر تبادلہ خیال جب کہ فوجی و پیشہ ورانہ امور میں باہمی تعاون میں اضافے پر اتفاق کیا گیا۔