نقیب اللہ قتل کیس میں طویل عرصے سے مفرور سب انسپکٹرامان اللہ مروت، شعیب شوٹر سمیت 7 ملزمان نے عدالت میں سرنڈر کردیا۔

کراچی کی انسداد دہشت گردی عدالت میں نقیب اللہ قتل کیس کی سماعت ہوئی۔

ملزم سندھ ہائیکورٹ سے حفاظتی ضمانت کے بعد انسداد دہشت گردی کی عدالت میں پیش ہوئے ۔

سب انسپکٹرامان اللہ مروت اور شعیب شوٹر سمیت دیگر 7 اشتہاری ملزمان نے سرنڈر کردیا۔

درخواست ضمانت پر عدالت نے ملزمان کو جیل میں قائم انسداد دہشت گردی عدالت سے رجوع کرنے کی ہدایت کردی۔

ملزمان نقیب اللہ قتل کیس میں مقدمے کی ابتدا سے مفرور تھے جبکہ ملزمان کو انسداد دہشت گردی عدالت نے اشتہاری قرار دیا تھا۔

ملزمان سندھ ہائیکورٹ سے حفاظتی ضمانت کے بعد انسداد دہشت گردی کی عدالت میں پیش ہوئے تھے۔

نقیب اللہ قتل کیس میں سابق ایس ایس پی راوانوار سمیت 18 ملزمان بری ہوئے ہیں۔