فیصل آباد میں سینٹرل جیل سے عدالتی حکم پر رہائی پانے والے پاکستان تحریک انصاف (پی ٹی آئی) کارکنان کو جیل سے باہر آتے ہی دوبارہ گرفتار کر لیا گیا۔

گذشتہ روز لاہور ہائیکورٹ نے رہنما پی ٹی آئی فرخ حبیب کی درخواست پر 123 کارکنان کی رہائی کا حکم دیا تھا۔ پی ٹی آئی کارکنوں کی رہائی سے قبل ہی پولیس کی بھاری نفری سینٹرل جیل کے باہر پہنچ گئی تھی۔

پولیس ذرائع کا کہنا ہے کہ رہا ہونے والے تمام ملزمان کے خلاف شہر کے دیگر تھانوں میں بھی مختلف مقدمات درج ہیں اس کیے ان کو دیگر مقدمات میں گرفتار کیا گیا ہے۔