محکمہ داخلہ خیبر پختونخوا نے صوبے میں سیکیورٹی سر انجام دینے والے اہلکاروں کی نفسیاتی جائزے سمیت پروفائلنگ کرنے کی ہدایات کردی۔

محکمہ داخلہ خیبر پختونخوا نے پولیس ڈیپارٹمنٹ کو مراسلہ ارسال کر دیا ہے، جس میں صوبے بھر میں سیکیورٹی سر انجام دینے والے اہلکاروں کی نفسیاتی جائزے سمیت پروفائلنگ کرنے کی ہدایات کی گئی ہے۔

محکمہ داخلہ کے مراسلے میں کہا گیا ہے کہ سیکیورٹی پر ماموراہلکاروں کی پروفائلنگ کی جائے اور اہلکاروں کا ہر6 ماہ بعد نفسیاتی جائزہ لیا جائے، جب کہ پروفائل کی تفصیلی انکوائری کی ایس او پیز ہونی چاہیے۔

سوات میں دو روز قبل پولیس اسٹیشن منگلور کی حدود میں واقع سنگوٹہ اسکول میں پولیس اہلکار کی فائرنگ سے ایک طالبہ جاں بحق اور ٹیچر سمیت سات طالبات زخمی ہوگئی تھیں۔ اسکول میں فائرنگ کرنے والے اہلکار کے بارے میں تاثر دیا گیا کہ وہ ذہنی مریض ہے۔