خیبرپختونخوا کے شہر بنوں میں سیکیورٹی فورسز کے آپریشن کے دوران دو دہشت گرد ہلاک ہوگئے۔

پاک فوج کے ترجمان ادارے آئی ایس پی آر کے مطابق سیکیورٹی فورسز نے خفیہ اطلاع پر بنوں میں آپریشن کیا۔ اس دوران سیکیورٹی فورسز اور دہشت گردوں کے درمیان فائرنگ کا تبادلہ ہوا۔

آئی ایس پی آر کے مطابق سیکیورٹی اہلکاروں سے فائرنگ کے تبادلے میں دو دہشت گرد ہلاک ہوگئے۔ دونوں دہشت گرد فورسز اور شہریوں کے قتل میں ملوث تھے۔ دہشت گردوں سے اسلحہ اور گولا بارود برآمد کیا گیا۔