گوجرانوالا میں طوفان سے 132 کے وی ٹرانسمیشن لائن کا ٹاور گرجانے کے باعث متعدد فیڈر بند، بجلی کی فراہمی معطل ہوگئی ہے۔

گیپکو حکام کا کہنا ہے کہ مُتبادل سرکٹ سے بجلی بحالی کا کام جاری ہے آئندہ دو سے تین گھنٹوں میں متاثرہ گرڈ اسٹیشن کی سپلائی بحال کردی جائے گی۔

ٹرانسمیشن لائن کا ٹاور گھکڑ کے قریب گرا جس کے بعد شاہین آباد گرڈ اسٹیشن کی سپلائی معطل ہوگئی ہے۔ گوجرانوالہ سٹی کے متعدد فیڈر بند ہوگئے جبکہ شہر کے اکثرعلاقوں میں گزشتہ 4 گھنٹوں سے بجلی بند ہے۔