بھارتی اداکارہ راکھی ساونت بھی سابق وزیرِاعظم عمران خان کی حمایت میں بول پڑیں۔

بھارتی اداکارہ اور ڈانسر راکھی ساونت نے ٹک ٹاک پر ایک ویڈیو پوسٹ کرتے ہوئے پاکستانیوں سے اپیل کی ہے کہ وہ باہر نکلیں اور عمران خان کا ساتھ دیں۔

راکھی ساونت نے اپنے ٹِک ٹاک ویڈیو پیغام میں کہا کہ اُٹھو پاکستانیوں جاؤ، عمران خان کا ساتھ دو، اگر ہمارے ملک میں ایسا ہوا ہوتا تو ہم سب کی بینڈ بجا دیتے ۔

یاد رہے کہ 9 مئی کو عمران خان اسلام آباد ہائی کورٹ کے احاطے سے گرفتار ہوئے تھے، جس کے بعد ملک بھر میں پرتشدد مظاہرے کیے گئے، تاہم گزشتہ روز سپریم کورٹ نے پی ٹی آئی چیئرمین کی گرفتاری کو غیر قانونی قرار دیتے ہوئے رہا کرنے کا حکم دیا تھا۔