کراچی کے بجلی صارفین کے لئے بجلی 3 روپے 93 پیسے فی یونٹ مہنگی کردی گئی۔

لوڈشیڈنگ اور گرمی کے ستائے کراچی کے عوام کے لئے ایک اور بری خبر یہ ہے کہ نیپرا نے کے الیکٹرک صارفین کیلئے بجلی 3.93 روپے مہنگی کرنے کی منظوری دے دی ہے۔ اور اس حوالے سے نوٹیفکیشن بھی جاری کردیا گیا ہے۔

نوٹیفکیشن کے مطابق کےالیکٹرک نے 4.49 روپے فی یونٹ اضافے کی درخواست کی تھی، تاہم نیپرا نے فی یونٹ 3 روپے 93 پیسے مہنگی کرنے کی منظوری دی ہے۔

نوٹیفکیشن کے مطابق بجلی کی قیمت میں اضافہ مارچ کے ماہانہ فیول چارجز ایڈجسٹمنٹ کی مد میں کیا گیا ہے، اور اس اضافے کا اطلاق صرف مئی کے ماہ کے بلز پر ہوگا۔