بین الاقوام مالیاتی ادارے (آئی ایم ایف) نے کہا ہے کہ پاکستان سے 6.7 ارب ڈالر کے قرض کے نویں جائزے کے معاہدے پر اتفاق ہوا ہے۔

گزشتہ روز خبر تھی کہ عمران کی گرفتاری کے بعد ہنگاموں سے آئی ایم ایف پروگرام کی بحالی کی امیدیں کمزور ہوگئی ہیں، اس کے برعکس آئی ایم ایف نے اس حوالے سے کوئی بیان جاری نہیں کیا۔

بین الاقوامی مالیاتی ادارے (آئی ایم ایف) کی جانب سے جاری بیان میں کہا گیا ہے کہ آئی ایم ایف پاکستان کے ساتھ مسلسل رابطے میں ہے، پاکستان سے 6.7 ارب ڈالر کے قرض کے نویں جائزے کے معاہدے پر اتفاق ہوا ہے۔

آئی ایم ایف کا سابق وزیراعظم عمران خان کی گرفتاری پر تبصرے سے انکار کرتے ہوئے کہا کہ ایسا کوئی اشارہ نظر نہیں آتا کہ پاکستان مذاکرات کو روکنا چاہتا ہے۔

واضح رہے کہ گزشتہ روز کیپٹل اکنامکس میں ایمرجنگ ایشیا کے سینئر ماہر معاشیات گیرتھ لیدر نے کہا تھا کہ ”سڑکوں پر مظاہرین کے ہوتے ہوئے آئی ایم ایف قرض کے معاہدے کو دوبارہ شروع کرنے کے بارے میں اور زیادہ محتاط رہے گا۔“