نیب نے عمران خان سے باضابطہ طور پر تحقیقات شروع کردی ہیں اور تحریری سوال نامہ تیار کرلیا ہے۔

القادریونیورسٹی کیس میں نیب کی زیر حراست تحریک انصاف کے چیئرمین عمران خان کو نیب نے باضابطہ طور پر شامل تفتیش کرلیا ہے۔ عمران خان سے القادر یونیورسٹی کی منظوری سے متعلق پوچھ گچھ کی جائے گی۔

نیب نے احتساب عدالت کا حکم نامہ ملنے کے بعد عمران خان سے تفتیش کا آغاز کیا ہے، اور چیئرمین پی ٹی آئی سے تفتیش کیلئے تحریری سوال نامہ بھی تیار کر لیا ہے۔

قومی احتساب بیورو نے عمران خان سے تحریری سوالنامے میں جواب طلب کیا ہے کہ برطانیہ سے غیرقانونی رقم واپسی کی سمری کیوں تیار کرائی، اور غیر قانونی رقم کی واپسی کو سرنڈر کرنے کی منظوری کیوں د۔

نیب کے سوالنامے میں عمران خان سے پوچھا گیا ہے کہ ملزمان نے بدلے میں یونیورسٹی کی زمین اور دیگر مالی فوائد کیوں لیے، اعلیٰ ترین عوامی عہدے پر بیٹھ کر اختیارات کا ناجائز استعمال کیوں کیا۔

نیب نے عمران خان سے یہ بھی سوال کیا ہے کہ برطانوی نیشنل کرائم ایجنسی سے خط وکتابت کو خفیہ کیوں رکھا گیا، اور ایسٹ ریکوری یونٹ کی سمری کو خفیہ کیوں رکھا گیا۔